Rita Ora do performojë në ceremoninë e mbylljes së “Invictus 2023”

Është bërë e ditur se Rita Ora do të performojë në ceremoninë e mbylljes së lojërave ‘Invictus Games 2023’ që organizohen nga Princi Harry.

Turneu i këtij viti zhvillohet në Dusseldorf të Gjermanisë, ku Rita do të kryesojë ceremoninë e mbylljes më 16 shtator, shkruan DailyMail.

Rita është një mikeshë e ngushtë e themeluesit të eventit, Princ Harryt, i cili pritet të mbajë një fjalim emocionues në ceremoninë e mbylljes.

Lojërat Invictus janë një turne me shumë sporte për ushtarakët dhe gratë e plagosur, të lënduar dhe të sëmurë, si në shërbim ashtu edhe për veteranë të luftave.

Harry luajti një rol të rëndësishëm në sjelljen e Lojërave në Mbretërinë e Bashkuar në vitin 2014, kur 300 konkurrentë nga 13 vende morën pjesë në konkursin inaugurues në Londër.

Rita dhe Harry janë miq prej vitesh, dhe ylli me origjinë nga Kosova mori pjesë në dasmën e Harryt dhe Meghan Markle në vitin 2018.

Në një intervistë të vitit 2019 për Entertainment Tonight, ajo tha se ai ishte ‘princi i lezetshëm dhe argëtues’, duke shtuar se ajo dhe miqtë e saj ishin rritur duke dashur të ‘shoqëroheshin’ me Princin Harry.

“Është në kulturën tonë, sikur Princi Harry është i paprekshëm”, vazhdoi ajo. “E dini, është një gjë e vërtetë”, tha Rita.

Rita Ora ka performuar më parë në një koncert të vitit 2019 për organzatën bamirëse “Sentebale” të Princit Harry.

Në një video-mesazh të regjistruar në rezidencën e tij në Montecito për lojërat e ardhshme Invictus, Harry tha: “Do të jenë lojërat më të mira ndonjëherë”.

Ai vlerësoi gjithashtu konkurrentët për hedhjen e hapit të radhës në ‘udhëtimin e tyre shërues’ dhe këmbënguli se ngjarja, të cilën ai e quajti një ‘shtëpi respekti’, është pjesë e tij.

Duke buzëqeshur në telefonatën virtuale, ai tha: “Shpresoj të jeni të emocionuar dhe ndoshta pak nervoz. Unë jam të dyja. Por mezi pres t’ju shoh të gjithëve dhe të kem të gjithë komunitetin sërish bashkë. Ka kaluar shumë kohë”.

Duke iu drejtuar sportistëve ai tha: “Ju jeni të gjithë në pjesë të ndryshme të rrugëtimit tuaj shërues’ përpara se të shtonte: ‘Ne të gjithë jemi – do të jemi gjithmonë’”.

“Uroj fat për javët e mbetura, argëtohuni, ju pres me padurim. Të jesh nervoz është një gjë e mirë. Kemi 21 kombe këtë vit dhe mezi presim të kemi të përfaqësuar çdo kontinent. Përveç Antarktidës – por ende po punohet për këtë”, tha ai duke qeshur.

“Faleminderit për shërbimin tuaj, për angazhimin tuaj, vendosmërinë tuaj për të arritur në këtë pikë. Do të argëtohemi shumë dhe po, e presim me padurim. Jemi gati t’ju presim. Do të jenë lojërat më të mira ndonjëherë, lojërat më të mira deri më tani”.

Harry thuhet se do të jetë në Dusseldorf për të gjithë ndeshjet. Meghan pritet të marrë pjesë në gjysmën e tyre, përfshirë fjalimin e Harryt në ceremoninë e mbylljes, ku do të performojë edhe Rita. /Telegrafi/