Ndërkohë që Komisioni Rithemelimit vijon agjendën drejt marrjes së plotë të PD-së në Kuvendin e 30 Prillit, ish-kryetari i PD-së Lulzim Basha vijon takimet me mbështetësit e tij demokratë. Basha sot është takuar ditën e sotme në qytetin e Durrësit me simpatizantë të tij.
Basha ka ndërmarrë një tur takimesh pas dorëheqjes së tij si kreu i PD-së në gjithë qytetet e vendit, në atë që siç e quan mision për të bashkuar demokratët. Ndërkohë, pothuajse ka mbaruar në të gjitha degët zgjedhja e krerëve të tij në rreth, duke i paraprirë kështu 30 prillit.
Në këtë kuvend pritet që përpos vendimeve të tjera, do të miratohet edhe data në të cilën do të zgjidhet kreu i ri i partisë. Ish-kryeministri Sali Berisha bëri me dije mbrëmjen e djeshme se një datë e mundshme që do t’i propozohet këtij kuvendi është ajo e 21-22 maji 2022.
Nga ana tjetër, çështja e drejtimit të PD-së me e Kuvendit të Berishës të zhvilluar në 11 dhjetor tashmë është në proces gjyqësor, pasi është ankimuar nga Enkelejd Alibeaj.
Discussion about this post