Lulzim Basha, që shfaqet si kryetar i PD-së zyrtare, u shp[reh pasditen e sotme se pengun e vetëm që ka në raport me ish-Kryeministrin Sali Berisha, është mirënjohja që ka treguar, dhe kujdesi për të ruajtur trashëgiminë e tij politike nga 2013 deri në 2021.
Basha nuk ka kursyer akuzat ndaj atyre që mbështetën Berishën, duke u shprehur se ata shkuan atje jo se u dhimbsej Sali Berisha, por për interesat e tyre.
Pavarësisht se në 2021-in, pas humbjes së rradhës në zgjedhjet parlamentare, Basha mori mandatin e drejtimit të PD-së me mbështetjen e Sali Berishës, i shpallur “non grata” disa javë para se Lulzim Basha të rizgjidhej kryetar, ai ne konsideroi këtë si një moment të tejkaluar, por tha se rruga që zgjodhi sali Berisha pas vendimit të 9 shtatorit, që e përjashtoi nga Grupi Parlamentar, ishte e gabuar për familjen e tij dhe demokratët.
“Sali Berisha ka zgjedhur rrugën e tij dhe ka patur arsyet e tij të bëjë këtë zgjedhje. Zgjedhja ka qenë e gabuar për të familjen e tij dhe demokratët. Por fajin më të madh nuk ia vë atij, natyrisht ka përgjegjësi, por fajin më të madh e kanë ata që bënë sikur u digjte barku për të. Janë njerëzit që e kanë anatemuar dhe s’kanë lënë gjë gjë pa i thënë. Kanë shkuar atje jo për Berishën, por për veten e tyre ishin të 8 dhe donin të ishin të tretët, kanë shkuar për egoizëm dhe pasojat i paguajnë sot demokratët. Ka marrë kosto personale.
Sa kam punuar me Berishën unë, s’kanë punuar këta. Sa jam kujdesur unë 10 vite nga 2013 për të ruajtur imazhin e trashëgiminë politike Berishës në 8 vite kur këta e përqeshnin, por duhet të zgjidhja mes mirënjohjes, që e ka qenë e vetmja që kam qenë peng, dhe nevojës për të ecur përpara dhe nevojës për shpëtuar shtëpinë e demokratëve. Dhe kemi paguar një çmim të jashtëzakonshëm.
Po të mendoja për veten time sot nuk do të kishte Parti Demokratike zyrtare properëndimore, por do të ishte e gjitha e tretur e pashpresë, sikurse rithemelimi. Kujtdo që bën llogaritje personale i kujtoj fatin e këtyre dhe janë shndërruar në sindromën e bixhozçiut dhe nuk ofron asnjë zgjidhje”, tha Basha.
Discussion about this post