Ndonëse në datën 25 Prill kërkoi votën me një logo të re, përçarja brenda partisë ku nisi rrugëtimin e saj, e ka rikthyer sërish Rudina Hajdarin në selinë e Partisë Demokratike.
Në pjesëmarrjen e saj në selinë blu ajo është shprehur se është rikthyer duke u takuar me nivelet më të larta të degëve të PD-së, me njerëz intelektualë, sipas saj, të cilët kanë kontribuar për këtë parti gjatë kësaj periudhe.
“Të rikthehem në gjirin e Partisë Demokratike, duke u takuar me nivelet më të larta të degëve të PD-së të gjithë strukturës së anëtarësisë, me njerëz intelektualë, me njerëz që kanë kontribuar gjatë kësaj periudhe me një opozitë të shëndetshme.”
Gjithashtu, teksa beteja brenda PD-së vijon ende, Rudina Hajdari e ka të qartë se cilin krah mbështet.
“Ndryshimet që kanë ndodhur në statut, në kongresin e 11 Dhjetorit, shikoj që pesha më e madhe i jepet anëtarësisë, kështu që risitë që sjell ky lloj statuti i ri do japin ndryshim rrënjësore për PD, që mos përsëriten më gabimet e së kaluarës. Ky statut i jep më shumë peshë anëtarësisë, dhe i dobëson rolin kryetarit të partisë. Këto lloj ndryshime që ka miratuar gjykata janë ndryshime të shëndetshme.”
Por së fundmi, ajo për të cilën ngre kuriozitet për të gjithë është a “e synon të kryesojë Partinë Demokratike Hajdari?”, gjë për të cilën është shprehur se do ta diskutojë sërish.
“Kam ardhur për zgjedhur zgjidhjen e krizës, por në momentin që do hidhet ky hap do të jemi këtu e do ta diskutojmë sërish.”
Discussion about this post