Partizani i Tiranës luan sonte në darkë ndeshjen e kthimit ndaj Atletik Eskaldes në turin e dytë të Conference League, por që tani e di se kush do të jetë rivali në turin e tretë.
Shorti i hedhur nga UEFA e kishte vënë përballë fitueses së çiftit Valmiera-Tre Penne dhe dueli në fjalë nuk ka pasur rivalitet.
Letonezët e Valmiera praktikisht mbyllën kualifikimin që në sfidën e parë në San Marino, duke fituar 3-0 në transfertë.
Sot, skuadra letoneze ka bërë edhe më mirë, teksa ka fituar me rezultatin 7-0 ndeshjen e kthimit në fushën e vet.
Që në startin e ndeshjes, skuadra letoneze shënoi 4 gola në 12 minuta e parë të sfidë, duke e kthyer në formalitet dhe stërvitje pjesën tjetër të duelit.
Tre gola të tjerë në pjesën e dytë të saj, vulosën fitoren e thellë dhe kualifikimin me totalin e 10 golave të shënuar dhe asnjë goli të pësuar.
Discussion about this post