Lionel Messi dhe Sergio Ramos nuk mund ta harrojnë lehtë kohën që kanë kaluar në Spanjë, kur luanin në ekipe rivale, ndonëse tani janë të dy pjesë e skuadrës së Paris Saint-Germain.
Ramos u bashkua në stërvitje me skuadrën këtë javë, ndërsa u duk se ai ishte shumë i afërt me pjesën më të madhe të saj.
Megjithatë sipas ‘L’Equipe’ marrëdhënia e tij me Messin nuk u duk shumë e afërt dhe shkak për këtë raportohet të jetë rivaliteti i shumë viteve.
“Nuk mund t’i fshish 10 vjet të El Clasicos papritmas”, ka thënë një burim për L’Equipe i pyetur për marrëdhëniet mes dy lojtarëve.
Ndërsa ‘pleshti’ duket se është bërë shumë i afërt me bashkatdhetarët e vet Angel Di Maria dhe Leandro Paredes, si dhe me Neymarin.
Si Messi ashtu edhe Ramos u bashkuan me PSG-në gjatë merkatos së verës, por ky i fundit ende nuk ka debutuar me parisienët për shkak të dëmtimit që e la për disa muaj jashtë fushës./K.T/Gijotina.com
Discussion about this post