Incidenti i ndodhur sot ne fshatin Koncul te komunes Bujanoc ka marre fund ku fillimisht u vendos flamuri serb nga persona të paidentifikuar në afërsi të përmendores së dëshmorit të UÇPMB-së, Fatmir Ibishi ku u dëmtua përmendorja.
Përmes një videoje në Facebook, i menjëhershëm ka qenë reagimi i zëvendëskryetarit të Bujanocit, Shqiprim Musliu, i cili edhe e ka larguar flamurin serb nga aty dhe ka vendosur flamurin shqiptar.
“Prej këtu njoftoj faktorin ndërkombëtar, ku pas pak ditësh është marrëveshja e Konçulit, le të jenë ata në dijeni se çdo ditë po provokohen shqiptarët edhe në pjesët më të ndjeshme, pra tek dëshmorët. Bëj apel që të përcillet ky mesazh”, tha Musliu.
