Pas votimit në Kuvendin Zgjedhor të Federatës së Futbollit të Kosovës, Agim Ademi u rizgjodh në krye të futbollit kosovar edhe për katër vite të tjera.
Ademi u zgjodh President i shtëpisë së futbollit vendor me 42 vota pro, një abstenim dhe asnjë kundër.
Edhe presidenti i FSHF-së, Armand Duka i cili ka qenë i pranishëm në Kuvendin Zgjedhor të FFK-së, ka reaguar me anë të një postimi në llogarinë e tij në Facebook ku uron Ademin.
Kujtojmë se Ademi ishte kandidati i vetëm për kryetar të FFK-së, duke ia dalë kështu të vazhdojë edhe për katër vite të tjera në një votim të hapur.
Discussion about this post