Duke potencuar se në disa media u publikuan informacione se rrethi i ngushtë i familjes së Hristijan Mickoskit ka shtëpi në Kozle, me vlerë një milion euro, sot Lëvizja Socialdemokrate e Maqedonisë (LSDM) ka kërkuar nga Antikorrupsioni dhe Prokuroria të hetojë këto spekulime.
“Më parë një media e afërt me VMRO-DPMNE, gjithashtu publikoi informata se anëtarë të familjes së tij më të afërt, kanë pasuri të paluajtshme në disa lokacione në Shkup, Ohër dhe Mal të Zi.
Presim Hristijan Mickoski të përgjigjet para publikut për këto informata, për shtëpinë e të afërmve dhe për informatat e pasurisë milionëshe që i publikuan mediat.
Vallë bëhet fjalë për pasuri të fshehur të familjes së pasur? Si me paga të profesorëve arrihet deri te pasuritë milionëshe në Ohër, Shkup e Mal të Zi?”, pyeti Martin Kostovski, deputet i LSDM-së.
Nga kjo parti kërkojnë nga Prokuroria dhe Antikorrupsioni të hulumtojnë më tepër rreth pasurisë së Mickoskit.
zhurnal
Discussion about this post