Deputeti i Kuvendit të Maqedonisë së Veriut nga radhët e VMRO-DPMNE-së, Aleksandar Nikolloski, njoftoi se është dorëzuar iniciativë për votimin e mosbesimit të qeverisë.
Kjo vjen pasi kryeministri Zoran Zaev, njëherësh kryetar i Lidhjes Socialdemokrate të Maqedonisë (LSDM), njoftoi dorëheqjen e tij shkaku i rezultateve të pafavorshme për partinë e tij pas raundit të dytë të zgjedhjeve lokale të mbajtura më 31 tetor.
Deputeti opozitar Nikollovski u shpreh se në asnjë vend demokratik nuk ndodh që kryeministri të japë dorëheqje dhe e njëjta të mos arrijë në Kuvend për tetë ditë, andaj kanë vendosur të dorëzojnë inicitivën në Kuvend.
Kjo iniciativë duket se nuk do të “vuloset” nga parlamenti i Maqedonisë së Veriut.Ditën e sotme ishte paralajmëruar mbajtja e paralamentit për të votuar mocionin e mosbesimit, por opozita në Shkup nuk mundi të sigurojë 61 votat e nevojshme për të rrëzuar qeverinë e Zaev.
Pamundësia e opozitës për të filluar procesin, në mungesë të korumit, ka sjell shtyerjen e diskutimit për mocionin e mosbesimit.Vendimi i anëtarit të partisë së vogël shqiptare “BESA” Kastriot Rexhep , për të mos ndjekur vijën partiake për rënien e qeverisë Zaev, krijoi atmosferë të tensionuar.
Rexhepi, pas mosshfaqjes së tij, zgjodhi të “bëhej i gjallë” në rrjete sociale, duke theksuar se gëzon shëndet të mirë dhe se lëvizja e tij kishte si synim promovimin e interesave të vendit dhe perspektivës së tij euroatlantike.
“Pranoj disa kërcënime, por pasi të përfundojë do të dal para mediave. Të angazhohemi të gjithë për të mirën e shtetit, popullit dhe demokracisë, të gjithë shqiptarëve, të maqedonasve dhe të gjithë të tjerëve që jetojnë në Maqedoninë e Veriut. Shihemi se shpejti. Faleminderit”, ka përfunduar ai në postimin e tij.
Dy deputetë të opozitës, të cilët ishin në karantinë për shkak të Covid-19, erdhën në mbledhje me uniforma speciale, por u larguan pasdite. Nëse opozita nuk do të mundet të grumbullojë deputetët e nevojshëm deri në mesnatë, qeveria Zaev do të vijoj të jetë drejtuese e vendit, ndërsa opozitës do i duhen 90 ditë të tjera për të rifituar të drejtën e ringritjes së mocionit të mosbesimit.
Discussion about this post