Robbie Uilliams shfaqet lakuriq për të treguar tatuazhet

Robbie Williams u shfaq tërësisht lakuriq në pjesën e pasme, ndërsa ua tregoi 2.7 milionë ndjekësve të tij në Instagram të mërkurën. Këngëtari, 49 vjeç, bëri këtë veprim duke qëndruar jashtë me një pamje nga liqeni.

Duke pozuar me duart në ijë, ai shfaqi koleksionin mbresëlënës të tatuazheve, përfshirë një dedikuar muzikës me tekstin “All you need is love”.

Vepra artistike, e cila përmban një numër notash, u frymëzua nga një nga këngët e preferuara të Robbie nga “Beatles”.

Ish-frontmeni i “Take That” zbuloi se ai dhe katër fëmijët e tij, Teddy, dhjetë vjeç, Charley, tetë vjeçe, Coco, pesë dhe Beau, katër, kanë qenë vërtet të sëmurë kohëve të fundit.

“Gëzimi për të pasur katër fëmijë. Vetëm sëmundje pas sëmundjeje”, shtoi mes tjerash artisti i famshëm.

Shfaqja vjen pasi Robbie diskutoi sinqerisht betejën e tij të vazhdueshme të dismorfisë trupore në mediat sociale.

Krijuesi i një sërë hiteve adresoi humbjen e tij drastike në peshë pasi fansat e vunë re në një video të postuar nga gruaja Ayda, 44 vjeçe, në fillim të këtij viti. Çrregullimi dismorfik i trupit (BDD), ose dismorfia e trupit, është një gjendje e shëndetit mendor ku një person shpenzon shumë kohë duke u shqetësuar për të metat në pamjen e tij. Këto të meta shpesh nuk janë të dukshme për të tjerët.