Roko Vata është në vitin e fundit të kontratës së tij me Celtic. Djali i ish-kapitenit të Kombëtares shqiptare, Rudi Vata, mund të transferohet në një kampionat tjetër.
Sipas mediave skoceze, për të ka një interesim nga Torino në Serinë A, por gjithashtu së fundmi nga Club Brugge në Belgjikë, klub që tashmë drejtohet nga Roni Deila, ish-trajneri i Rokos te gjigantët skocezë dhe që kërkon të marrë talentin me vete në kampionatin belg, ku do të ketë më shumë hapësira.
Vata aktualisht është pjesë e ekipit B të bardhegjelbërve. Por ai bëri debutimin e tij me ekipin e parë dhjetorin e kaluar dhe pati katër paraqitje në sezonin 2022-2023.
Shpresa për skocezët është shitja në merkaton aktuale, pasi do të përfitonin një shumë të mirë për të, pasi Vata ka qenë pjesë e akademisë që në moshën 7-vjeçare.
Por gjithashtu, nuk përjashtohet edhe një rinovim i mundshëm me Celticun. 18-vjeçari luan në rolin e një mesfushori të avancuar me tipare sulmuese, ndërsa ka qenë pjesë e rregullt e ekipeve zinxhirë të Irlandës./PanoramaSport
Discussion about this post