Anëtari i Kryesisë së PD, Roland Bejko fajëson ish-kryeministrin Sali Berisha për krizën në PD dhe përplasjet mes demokratëve. Ai tha gjatë një interviste televizive se, Berisha se kërkon të rikthehet në krye të kampit blu përmes dhunës.
Më tutje Bejko u shpreh se demokratët po bëhen pishman që kanë mbështetur Berishën në kaq shumë vite rresht. “Berisha ka identifikuar armiqtë dhe do të bëjë çfarë është e mundur që mos t’i fitojë Lulzim Basha. Do të mundohet me propagandën e vetë që të hedhë baltë e pluhur mbi kandidatët e Bashës. Berisha, problemin e ka pasur me SHBA-në, tani nuk e ka vetëm me ata, e ka me të gjithë ne. Ka vendosur distancë të largët. Kemi filluar të bëhemi pishman që e kemi mbështetur gjatë atyre viteve ku kemi bashkëpunuar me të. Tani arrijmë të kuptojmë edhe kundërshtarët tanë politikë dhe elektoratin gri që nuk e votonin. Berisha dhe dhuna janë një, nuk mund të ndahen”, tha ai.
Bejko u pyet edhe për zgjedhjet e pjesshme lokale në gjashtë bashkitë e vendit që kanë mbetur pa kryetarë dhe tha se PD do të futet në këto zgjidhje dhe do të bëjë luftën e vet.
Discussion about this post