Anëtari i Këshillit Kombëtar të PD, Roland Bejko, ka reaguar për skandalin mbi publikimin e pagave. Ai tha gjatë një interviste televizive se ky skandal përbën vepër penale dhe përgjegjësit duhet të vihen para drejtësisë. “Kjo që ka ndodhur ma listën e pagave është një vepër penale dhe një skandal publik. Media e ka denoncuar paradhomën e këtij skandali qysh me patronazhistët. Qeveria duke dashur të heqë vetullat ka nxjerrë sytë me sistemin e-Albania ku zotërohen të gjithë të dhënat e qytetarëve shqiptare. Qeveria shqiptare këto të dhëna i ka nxjerrë në publik. Çdo qytetar shqiptar duhet ta padisë qeverinë te gjykata e të drejtave të njeriut. Këto të dhëna i interesojnë botës së krimit dhe gjithkush mund t’i përdorë sipas interesit”, tha ai.
Ai shprehet se përgjegjëse për këtë është qeveria, ndërsa shton se Çdo qytetar shqiptar duhet ta padisë qeverinë te gjykata e të drejtave të njeriut. “Përgjegjëse në këtë rast është qeveria dhe pas hetimeve të organeve kompetente kryeministri duhet të japë dorëheqjen sepse është një skandal shumë i madh. Janë shpenzuar miliona euro për të mbrojtur të dhënat personale. Nuk është vetëm çështja e pagave, por numri ID dhe nesër mund të dalin edhe numrat e llogarive të bankave. Besimi i qytetarëve është zero”, tha ai, ndërsa thekson se po ndodh e njëjta gjë si gjatë zgjedhjeve me patronazhistët.
Discussion about this post