Ka përfunduar përballja e vlefshme për javën e 17-të në Seria A, ku këtë mbrëmje vuri përballë Romën dhe Spezian, në ndeshjen që u fitua me rezultatin 2-0 nga skuadra e drejtuar nga Murinjo.
Kryeqytetasit mundën ta zhbllokojnë këtë sfidë që në minutën e 6’ falë golit të Smalling, që ishte edhe vendimtar në rezultatin e pjesës së parë.
Me fillimin e pjesës së dytë, Spezia rifreskon mesfushën duke bërë tre zëvendësime në minutën e 53’ por edhe këto rezultuar të pasuksesshme pasi Ibanez do të dyfishonte triumfin e Romës me golin e tij në minutën e 56’, që i dërgoi shifrat në 2-0.
Miqtë do të reagonin në minutën e 62’ me golin e Rey Manaj, por sistemi VAR do ta quante të pavlefshëm mundin e shqiptarit, duke i lënë shifrat finale të takimit në 2-0.
Në përfundim të kësaj ndeshje, Roma ngjitet në vendin e gjashtë të klasifikimit të përgjithshëm të Seria A, ndërsa Spezia vazhdon serinë e rezultateve negative, duke mbetur në vendin e 17-të të renditjes.
Discussion about this post