Kalimi i Granit Xhakës te Roma është një pistë e rënë tashmë dhe Arsenali së shpejti do të zyrtarizojë rinovimin e kontratës me kapitenin e tyre.
Xhaka dukej në prag të bashkimit me klubin e Serisë A, të cilët kishin qenë në bisedime me ‘Gunners’ për disa muaj me radhë.
28-vjeçari ishte pikësynimi kryesor i transferimeve të trajnerit të Jose Mourinhos për të forcuar mesfushën e ‘Giallorossi’, por Roma dhe Arsenali nuk u ranë dakord për tarifën e transferimit të lojtarit, ndërsa Xhaka kishte shtrënguar duart me italianët në kontratën e tij.
Trajneri i Arsenalit, Mikel Arteta zbuloi të dielën se reprezentuesi me origjinë shqiptare nuk do të largohej nga Emirates Stadium dhe ‘Topçinjtë’ dhe së shpejti do të njoftojnë zgjatjen e kontratës së Xhakës.
Nga ‘Football Italia’ raportohet se Xhaka do të nënshkruajë një marrëveshje të re deri në vitin 2025 dhe do të marrë një rritje pagash.
Një njoftim zyrtar nga ‘Topçinjtë’ pritet të dalë së shpejti, që do të thotë se Roma do të duhet të kërkojë diku tjetër për mesfushorin e tyre të ri.
Thomas Delaney dhe Teun Koopmeiners janë mundësi transferimi në Stadio Olimpico, me Mourinhon që ende është në kërkim të një mesfushori të ri./Gijotina.com
