Skuadra e Lacios ka siguruar një fitore shumë të rëndësishme në derbi ndaj Romës. Bardhekaltërit fituan me shifrat 3-2 dhe vijojnë marshimin drejt objektivave. Ishte një lojë e barabartë por në fund skuadra e Sarrit mundi rivalët e drejtuar nga trajneri Jose Murinjo. Saviç dhe Pedro i dhanë avantazhin e dyfishtë Lacios përpara se Ibanez të ngushtonte shifrat në fundin e pjesës së parë.
Në frasksionin e dytë, Lacio realizoi edhe golin tjetër me Anderson teksa Roma shkurtoi diferencat me Veretout nga penalltia.
Me këtë fitore skuadra e Lacios ngjitet në vendin e gjashtë ndërsa Roma mban pozitën e katër në renditje.
