Një zëdhënës i Abramovich ka konfirmuar lajmet se ky oligraku rus dhe disa negociatorë ukrainas janë helmuar gjatë negociatave mes Moskës dhe Kievit në fillim të marsit. Ndër të tjera, bëhet me dije se gjendja e Abramovich dhe negociatorëve ukrainas, mes të cilëve edhe deputeti Rustem Umerov, është përmirësuar që atëherë dhe jeta e tyre nuk është në rrezik, thanë burimet e gazetës.
Tre të helmuarit konsumuan vetëm çokollatë dhe ujë paraprakisht, sipas Bellingcat, i cili tha: “Tre anëtarë të delegacionit që ndoqën bisedimet e paqes midis Ukrainës dhe Rusisë në natën e 3 deri më 4 mars 2022 përjetuan simptoma të ngjashme me helmimin me armë kimike. Një nga viktimat ishte sipërmarrësi rus Roman Abramovich.
Tre anëtarë të ekipit negociator u tërhoqën në një apartament në Kiev më vonë atë natë dhe ndjenë simptomat fillestare – duke përfshirë inflamacionin e syve dhe lëkurës dhe dhimbjen e mprehtë në sy – më vonë atë natë. Simptomat nuk u qetësuan deri në mëngjes”, u shpreh ai. Sakaq, njoftohet se kanë nisur hetimet për të zbuluar se kush ishte autori i këtij veprimi.
Discussion about this post