Klejdi Lupa, i njohur profesionalisht si Claydee, ka sqaruar sonte zërat se ka qenë në një lidhje me një tjetër këngëtare të njohur në Greqi Eleni Foureira. Dy artistët me origjinë shqiptare, bashkëpunuan në 2019 për këngën me titull “Loquita” ku u vu re kimia mes tyre e po ashtu nuk munguan dyshimet se mes këngëtarëve ka pasur diçka më shumë se miqësi.
I ftuar në “Më lër të flas”, Calydee tha se me Elenin nuk ka pasur asnjëherë romancë. “Kjo nuk është hera e parë që ndodh. Sa herë që mund të kesh një bashkëpunim, të shohin e të bëjnë fotografi, dhe portalet e nxjerrin sikur je me atë”-u shpreh ai.
Këngëtari është babai i një djali shtatë vjeçar, por është ndarë nga nëna e tij. Por a është Claydee në një lidhje? “Për jetën private, nuk flas shumë se është private. Ajo që dua të them është se në jetë duhet të kesh njerëz që të ndihmojnë në atë që do të bësh ti dhe ti të ndihmosh atë njeri që të keni një rrugëtim së bashku. Jeta kjo është”.
Baba single apo beqar, insistoi Romeo.“Është e komplikuar”-u përgjigj Claydee.
Po ashtu Claydee kujtoi fillimet e karrierës së tij dhe periudhën e vështirë në Greqi, kur i duhej të përballej me racizmin. “Fillimi ka qenë i vështirë, si të gjithë njerëzit. Racizmi gjithmonë ekziston, por ka të bëjë shumë familja dhe e kupton shumë shpejt që të gjithë njerëzit janë njësoj dhe ke mundësi të tregosh kush je me punën tënde, me gjërat që bën dhe duhet të vlerësosh shpirtin e njerëzve. Në Greqi, në fillim ka qenë vështirë, por kur rezultatet dhe puna që dashuron dhe e bën me shumë pasion dhe krijon diçka të suksesshme, suksesin e duan të gjithë dhe aty mbaron racizmi, të gjithë të duan”.
Ndonëse i rritur në shtetin fqinj, artisti flet mirë shqip, ndërsa thekson se nuk duhet të harrojmë nga vijmë. “Dy vitet e fundit kam filluar të flas shqip, që kam filluar të vij dhe në Shqipëri, kam dhe disa shokë shqiptarë. Mundohem sepse është gjuha ime, është mirë të mos harrosh nga fillove. Nuk mund të kuptosh sa larg ke shkuar, nëse mohon vendin nga je”.
Discussion about this post