Pas José Mourinhos në një motor vespa, Roma tani ka një mural të ri. Kësaj radhe, megjithatë, nuk paraqitet Speciali, por Romelu Lukaku, i cili ka mbërritur në Ciampino sot pasdite me një fluturim privat nga Londra.
Portreti i Big Rom u shfaq në Via dei Capocci, rrethi Monti, dhe përfaqëson belgun me maskën e “Gladiatorit”.
Jo çdo njeri, por ai Massimo Decimo Meridio i Russell Crowe, me përkrenaren në dorë, sfondin verdhë e kuq dhe buzëqeshjen verbuese.
Poshtë mbishkrimi “ROMELV”, me v në vend të u, në stilin e Romës së lashtë.
Murali është një vepër e “Anonimo74”, një artist i rrugës që ka komplimentuar Romën për blerjen e fundit të Friedkin.
Me mbërritjen e Lukakut në aeroport, tifozët romanistë janë ekzaltuar jashtë mase, duke e pritur “Big Rom” si një perandor. Tashmë pritet se si do të jetë Aventura e belgut te skuadra e kryeqytetit.
Discussion about this post