Dashur-padashur emri i tij lakohet shpesh krah emrave të vajzave të ndryshme të showbizit shqiptar. Megjithatë, me aq sa ka deklaruar vet aktori i humorit Romeo Veshaj aktualisht është single.
Por, kjo nuk po e pengon që të bëjë plane për dasmën. Dhe konkretisht për këngëtarin që do ftonte, atë që zgjedhin shumica e çifteve shqiptare: Alban Skënderajn.
Aktori ka ndarë një foto me Albanin në rrjetin e tij social Instagram ku shkruan: “Ma dha fjalën që do më këndojë në dasmë”. Tani që e siguroi këngëtarin, i ngelet të gjejë nusen.
Kujtojmë se Romeo Veshaj ka qenë në një romancë me Aleksia Peleshin ku lidhja e tyre është komentuar gjatë në mediat online.
Fillimisht ata lidhjen e tyre u munduan që ta mbanin sa më larg syrit të publikut, duke mos postuar foto apo video në rrjetet e tyre sociale me njëri-tjetrin. E teksa dukshin mjaft të dashuruar, erdhi lajmi se ata i kishin dhënë fund lidhjes kaq shumë të komentuar.
Discussion about this post