Nuk ndodh shpesh në ekranet shqiptare, por dy aktorët Romeo Veshaj dhe Olsi Bylyku nuk kanë ngurruar të japin një puthje në buzë njëri-tjetrit, sigurisht për një skeç të emisionit “Më lër të flas”.
Zbulohet se Olsi dhe partnerja e tij Egli Tako janë dy nga të ftuarit e radhës në emisionin e binjakëve Veshaj që transmetohet të premten, por episodi është regjistruar disa ditë më përpara.
Në promon e emisionit të publikuar ditën e sotme Romeo dhe Olsi shihen duke u puthur në buzë ndërsa reagimi i të gjithëve ishte se kanë ngelur të shokuar.
Nuk dihet nëse ata kanë rikrijuar puthjen e Donaldit me Bora Zemanin gjatë qëndrimit të këtij të fundit në shtëpinë e “Big Brother VIP” apo ka qenë thjesht një skeç.
Olsi dhe binjakët kanë treguar se njihen prej vitesh dhe kanë raporte shumë të mira shoqërore. Në intervista ata kanë treguar madje se kur ishin respektivisht pjesë e “Portokalli” dhe “Al-Pazar” shpesh shkruanin tekste për njëri-tjetrin.
Discussion about this post