Humbjen 8-2 me Bayern Munich te Barcelona nuk do ta harrojnë për shumë kohë. Në pankinë për bavarezët ishte Hansi Flick, i cili është larguar së fundmi dhe me shumë mundësi do të drejtojë Gjermaninë.
Akoma nuk ka gjë zyrtare, edhe pse në Gjermani mediat e bëjnë të sigurt këtë lëvizje. Në Spanjë ndërkohë raportojnë se Barcelona është e interesuar t’i besojë pankinën gjermanit Flick.
Ronald Koeman konsiderohet i larguar në fund të sezonit dhe gazetari Gerard Romero raporton se Flick është një nga opsionet për Barcelonën, pasi ende nuk e ka mbyllur marrëveshjen me Federatën Gjermane të Futbollit.
Sigurisht alternativa e Xavi është e pashmangshme. Legjenda e klubit spanjoll drejton aktualisht skuadrën e Al Sadd dhe ka arritur suksese të rëndësishme.
