Në një shkrim të publikuar së fundmi ‘Corriere dello Sport’ pretendon se agjenti i Cristiano Ronaldos i ka ofruar sulmuesin e Juventusit klubit të Manchester City.
Ky është sezoni i fundit i kontratës së tij me ‘Bardhezinjtë’dhe besohet gjerësisht se ata do të ishin të përgatitur për të shitur për 30 milionë euro.
Kjo është shifra e nevojshme për të garantuar që ata nuk do ta humbasin yllin falas dhe gjithashtu do të shpëtojnë nga pagat e tij prej 30 milionë eurosh në sezon.
Ronaldo është duke u ndjekur nga PSG, Manchester United dhe Real Madrid, por shkrimi i ‘Corriere dello Sport’ tregon se përfaqësuesi i tij, Jorge Mendes tani po e ofron atë për Manchester City.
Fituesit e Premier League kanë shumë nevojë për një sulmues dhe i kanë të gjithë fondet e tyrë në dispozicion për Harry Kane, por edhe një ofertë me vlerë 150 milionë euro mund të mos jetë e mjaftueshme për Tottenham Hotspur.
Pasi humbi Lionel Messin te PSG, Pep Guardiola mund të përpiqet të punojë me një fitues tjetër të Topit të Artë.
Do të konsiderohej si një tradhëti nga tifozët e Manchester United, të cilët gjithmonë shpresonin një ditë që CR7 të kthehej në Old Trafford, por në vend të kësaj mund të ofronte veten ndaj rivalëve të tyre./Gijotina.com
