Cristiano Ronaldo dhe partnerja e tij Georgina Rodriguez e kanë pagëzuar vajzën e tyre të porsalindur me emrin Bella Esmeralda, teksa modelja e zbuloi ditën e sotme përmes një postimi të bërë në rrjetin e saj social Instagram. E dashura e futbollistit, 28 vjeçar, zbuloi emrin që kishin zgjedhur së bashku me tre foto të adhurueshme teksa mund të shohim vogëlushen duke fjetur në krevatin e saj.
Ronaldo dhe Georgina njoftuan për fansat se djali i tyre kishte ndërruar jetë gjatë lindjes më 18 prill, por vajza e tyre mbijetoi.
Ai ndau më pas një imazh bardh e zi të tij duke përqafuar foshnjën, shoqëruar me mbishkrimin: “Dashuri e përjetshme” së bashku me një emoji me zemër.
Kujtojmë se pak ditë më parë Cristiano ndau lajmin e hidhur për humbjen e djalit të tyre.
“Me pikëllimin tonë më të thellë duhet të njoftojmë se djali ynë ka ndërruar jetë. Është dhimbja më e madhe që mund të ndiejë çdo prind. Vetëm lindja e vajzës sonë na jep forcën për ta jetuar këtë moment me pak shpresë dhe lumturi. Dëshirojmë të falënderojmë mjekët dhe infermierët për kujdesin dhe mbështetjen e tyre eksperte. Të gjithë jemi të shkatërruar nga kjo humbje dhe me mirësi kërkojmë privatësi në këtë kohë shumë të vështirë. Djali ynë, ti je engjëlli ynë. Ne do të të duam gjithmonë”.
Gjithashtu, futbollisti mungoi në ndeshjen e mesjavës së Man United kundër Liverpool-it, ku tifozët në Anfield mbajtën duartrokitje për një minutë për Ronaldon dhe familjen e tij dhe duke kënduar “You’ll Never Walk Alone”.
Pas fatkeqësisë, çifti dhe fëmijët e tyre të tjerë u kthyen në shtëpi me vajzën e tyre të porsalindur të enjten e kaluar, disa ditë pasi futbollisti konfirmoi se partnerja e tij kishte humbur njërin prej fëmijëve.
Discussion about this post