Ndeshja mes Al Ittihad dhe Al Nassr kishte një shije speciale për Karim Benzema dhe Cristiano Ronaldon. Dyshja ishte pjesë e epokës së artë te Real Madrid dhe për herë të parë u takuan në një realitet të ri si futbolli në Arabinë Saudite. Kjo ndeshje foli e gjitha në favor të CR7 me skuadrën e tij që fitoi me shifrat 2-5, teksa portugezi realizoi edhe dy gola nga pika e bardhë e penalltisë.
Madje, në penalltinë e pjesës së parë protagonist ishte edhe Benzema pasi ishte pikërish francezi autor i ndërhyrjes së gabuar. Kjo ishte një disfatë e rëndë për Al Ittihad që regjistroi humbjen e tretë radhazi duke mbetur pas në klasifikim, aktualisht në vendin e gjashtë me 28 pikë.
Nga ana tjetër, Al Nassr i Cristiano Ronaldos ngjitet në kuotën e 43 pikëve në vend të dytë, shtatë pikë më pak se Al Hilali kryesues.
Discussion about this post