Ronaldo flet për të ardhmen e tij: Në këtë klub do ta mbyll karrierën

Cristiano Ronaldo ka dhënë një intervistë për të përditshmen portugeze “Record” ku ka folur për tërheqjen e tij nga futbolli si dhe kombëtaren.

“Nuk e di se kur do të tërhiqem nga futbolli, e sigurt është se jo tani, mbase pas 2-3 vitesh, por jo tani. Me shumë mundësi do ta mbyll tek Al Nasr. Jam shumë i lumtur këtu, ndihem mirë në këtë vend, më pëlqen të luajë në Arabinë Saudite.

Jam gjithnjë krenar që përfaqësoj vendin tim, ngjyrat tona, ëndrrat tona. Për këtë motiv kur të vendos se do të largohem nga përfaqësuesja nuk do t’ia them askujt më herët, kjo pasi mendoj se do të jetë një vendim spontan.

Është shumë e vështirë të mendosh se një ditë do të jem trajner. Në mendjen time, nuk po mendoj të jem trajner i ndonjë ekipi futbolli. As që e mendoj.

Me siguri e shoh të ardhmen time duke bërë gjëra jashtë futbollit”, u shpreh  sulmuesi portugez.