Jeta në Arabinë Saudite nuk është aspak e ngjashme me atë në vendet perëndimore dhe shumë yje të futbollit, pas transferimit në vendin e Lindjes së Mesme duhet të heqin dorë nga shumë sjellje apo veprime të palejuara.
Cristiano Ronaldo gjatë orëve të fundit është vënë në qendër të vëmendjes jo sepse shënoi golin e fitores në gjysmëfinalen e Champions-it të Arabisë Saudite por për shkak të festës që ai bëri pas golit.
Portugezi festoi duke bërë kryqin por në Arabinë Saudite është e ndaluar çdo shfaqje në publik që simbolizon fenë e krishterë. Episodi u regjistrua në minutën e 75 ku Ronaldo e kualifikoi skuadrën e tij në finalen që do të luhet kundër Al Hilal.
Në këtë rast, është e qartë që Ronaldo nëse do të ishte një njeri më pak i rëndësishëm, do të kishte rrezikuar shumë, madje deri në 10 vite heqje lirie.
Ligji e parashikon qartë një gjë të tillë madje në të shkuarën e ka pësuar Juan Pablo Pinto i cili shfaqi në publik një tatuazh me Jezu Krishtin.
Discussion about this post