E ardhmja e Cristiano Ronaldo vazhdon të diskutohet nëpër media. Një nga skuadrat ku është përfolur se mund të transferojnë portugezin është edhe Atletico Madrid.
Trajneri i Atleticos, Diego Simeone është pyetur lidhje me yllin portugez, Cristiano Ronaldo, me teknikun e “Los Colchoneros” e ka hedhur poshtë një mundësi të tillë.
“Ronaldo është një ikonë e Real Madrid. Nuk do të mund ta paramendoja Martin Palermo apo Juan Riquelme të luante për River Plate, apo Ariel Ortega te Boca Juniors”, ka thënë Simeone.
“Kjo është shumë e qartë”, shtoi ai.Ronaldo lidhej me një largim të mundshëm nga United edhe gjatë verës. Pakënaqësia e tij duket se nuk është zbehur. Mbetet të shihet nëse do të ketë ndonjë marrëveshje për të gjatë merkatos së janarit.
Discussion about this post