Super energji me entuziazëm dhe zërin që i dridhej, kështu është shfaqur diva e muzikës shqiptare Ronela Hajati në një video live në rrjetin e saj social Instagram fill pas performancës elektrizuese.
Teksa është shfaqur krah delegacionit të saj, Ronela ka treguar se është ndjerë shumë e lumtur dhe se ka përjetuar emocionet më të forta në jetën e saj.
“Jemi Live nga Torino. Kurrë në jetën time nuk kam pasur kaq emocione sa sot. Mos harroni të votoni me numrin 1 kur të hapet linja. Shqipëri deri në vdekje. Na votoni! Po dola në finale nuk e di çfarë do bëj. Kanë qenë emocionet më të forta në jetën time. Ju dua shumë”.
Artistja shqiptare dhuroi një super performancë shpërthyese sikurse kishte paralajmëruar. Ajo na përfaqëson me këngën “Sekret” që në versionin përfundimtar erdhi në gjuhën shqipe dhe atë angleze.
Performancës së Ronelës iu bashkëngjit edhe ajo e balerinëve profesionistë udhëhequr nga Klaudia Pepa. Ovacionet dhe duartrokitjet e publikut në sallë ishin të shumta teksa janë votat e njerëzve, jashtë Shqipërisë, që do vendosin “fatin” e Ronelës nëse ajo do shkojë apo jo në finale.
Ronela u shfaq me një “body” ngjyrë argjendi stiluar me gurë që i nxirrte në pah dekoltenë. Ajo kishte veshur edhe një pelerinë rozë voluminoze në pjesën e krahve.
Një detaj që vlen të përmendet janë atletet rozë që artistja kishte veshur për t’ju përshtatur koreografisë. Ronela u tregua minimaliste në aksesorë duke vendosur vetëm një varse. Teksa flokët i kishte kapur duke nxjerrë në pah tiparet e saj.
View this post on Instagram
Discussion about this post