Ronela Hajati jep lajmin: Po bëhem gati për një këngë në gjuhën italiane

Këngëtarja Ronela Hajati pak javë pas pjesëmarrjes në “Eurovision”  është rikthyer sërish në Itali.

Me anë të disa postimeve në rrjetet sociale ajo ka treguar se po qëndron në Milano dhe tha se është duke e realizuar një këngë në gjuhën italiane.

“Të festojmë për këngën time të parë në gjuhën italiane të cilën jam duke e bërë”, ka thënë ajo. Nuk dihet nëse kjo është një shaka nga 32-vjeçarja.

Ronela ndryshe ka qenë diskutimi në Eurovision 2022 për shkak të veshjes së ekzagjeruar e po ashtu edhe vallëzimit provokues.

Kjo madje u tha se ishte arsyeja që e penalizoi për në finalen e madhe të Eurovisionit.