Dyshja e njohur e këngëtarëve Rosalia dhe Rauw Alejandro i kanë dhënë fund lidhjes së tyre. Çifti, i cili njoftoi fejesën e tyre në mars janë ndarë pas më shumë se tre vitesh së bashku. Burimet thonë se pavarësisht dashurisë dhe respektit që këngëtarët kanë për njëri-tjetrin, të dy kanë rënë dakord t’i japin fund fejesës.
Rosalia dhe Alejandro u lidhën për herë të parë në gusht 2021 dhe e bënë publike romancën e tyre muajin e ardhshëm në mediat sociale.
Pasi revista People zbuloi dy ditë më parë se çifti ishte ndarë, të dy heshtën në fillim. Megjithatë, pasi u shfaqën akuzat për tradhti nga ana e artistit me një modele kolumbiane të quajtur Valeria Duque, Rauw Alejandro theu heshtjen.
“Gjatë gjithë këtyre viteve, ju keni qenë pjesë e arritjeve të mia profesionale, si dhe në të gjitha momentet e lumtura që kam jetuar me partneren time.
Nuk e kam menduar kurrë se do të isha në një pozicion ku do të më duhej të jepja një deklaratë publike për një çështje kaq private në jetën time.
Unë dhe Rosi i dhamë fund fejesës. Ka mijëra probleme që mund të shkaktojnë një ndarje, por, në rastin tonë, nuk ishte për shkak të tradhtisë apo një personi të tretë.
Gjatë kësaj kohe që po përpiqem të asimiloj gjithçka, ka pasur akuza të rreme publike dhe për shkak të respektit që kam për të, familjet tona dhe gjithçka që kemi jetuar, nuk mund të rrija në heshtje. Pa asgjë për të shtuar, fansave të mi që i dua shumë, faleminderit që jeni me mua.”
Pas Rauw Alejandro, ishte radha e Rosalia-s për të folur, duke e bërë këtë përmes një InstaStory në Instagram. Artistja ka shkruar:
“E dua, e respektoj dhe e admiroj shumë Raul-in. Ky moment nuk është i lehtë, ndaj faleminderit të gjithëve për mirëkuptimin dhe respektin.”/SHQIP
Discussion about this post