Këngëtarja Rovena Stefa ka folur rreth jetës së personale, ku dhe ka rrëfyer se është dhunuar nga ish-partneri i saj. Stefa tha se ata bashkëjetonin së bashku në Zvicër dhe për të ishte një dashuri me shikim të parë, por gjërat morën një kthesë tragjike në jetën e saj. Stefa rrëfeu se ajo u dhunua nga ish-partneri i saj, pasi ai kishte varësi ndaj drogës dhe alkoolit. Këngëtarja tha në “Big Brother VIP Kosova” se ai tentoi ta vrasë atë, duke i vendosur duart në fyt dhe tentoi ta hidhte nga dritarja e banesës. Por, këngëtarja rrëfeu se ajo ishte shtatzëne dhe nga dhuna, humbi foshnjën e saj. Ajo rrëfeu se pas 4 vitesh, mësoi se ai kishte ndërruar jetë nga overdoza.
“U njoha me një djalë ishte dashuri me shikim të parë dhe nisëm bashkëjetesën, isha shumë e re, disa gjëra nuk i dija për të. Kishte pasur probleme me ligjin, me shtetin, ishte i alkoolizuar dhe përdorte drogë. Dita ditës agresiviteti i tij rritej, gjatë muajve që bashkëjetuar filloi xhelozia. Një natë nisi të ushtronte dhunë, rrahja ishte aq e tmerrshme, sa më përplasi nëpër shkallë, më goditi e grushte. Vendosa të largohesha, atë mëngjes kurrë se harroj filloi një sulm i madh, vetëm kur e pashë veten me duar në fyt, Ndjeva që po mbytesha, iu luta të më lironte. Ka tentuar të më hedhë nga dritarja dhe them shyqyr Zotit, që më dha forcë të madhe që ta luftoja. Ishte e tmerrshme, përfundova në polici, e kërkuan dhe e gjetën. Unë isha në shok, kisha shenja. Vite më vonë, pas 3-4 vitesh mora vesh që kishte humbur jetën nga overdoza. Familja nuk e di, mami pakëz, por babi jo, nuk doja ti rëndoja. Pas një viti, në 2001, u bëra shumë e njohur”, tha Stefa.
Më tej, Stefa tha se nga kjo ngjarje që i ndodhi në jetë, e kishte të vështirë të njihte një tjetër person në jeë. Por, siç shprehet këngëtarja tashmë është gati të njohë dikë, të martohet dhe të bëhet nënë.
“Tek ne gjithmonë një femër e ka fajin, s’kam dashur ta them publikisht. Kam tentuar menjëherë të shkëputem nga ajo lidhje që ishte toksike, këtë ngjarje e kam përballuar e vetme. Ka ndodhur në Zvicër, kur u ktheva e kam diskutuar vetëm me motrën time, doja ta harroja, të mos i rikthehesha kurrë më. Por diçka e rëndë që kalon aty mbetet, vitet e para e kisha vështirë të afrohesha me një mashkull, të kisha një raport. Ai ka qenë nën efektin e narkotikëve. Nuk kam pasur më kontakte me të, kur dikush tenton të të lëndojë fizikisht dhe të të marrë jetën, nuk mund të ketë kuptim ajo falje. E kam jetë të dytë këtë sot. Kam qenë shtatzënë dhe kam humbur fëmijën nga ajo përplasje, më ka bërë keq dhe vuajta për shumë kohë. Dua shumë të kem fëmijë, një familje, martesë si të gjitha vajzat, pse jo”, shprehet këngëtarja.
Discussion about this post