Pjesëtarët e grupit Kumanovës, të cilët u dënuan për terrorizëm pasi vranë 8 pjesëtarë të forcave policore dhe 10 pjesëtarë të grupit të armatosur në datën 9 dhe 10 maj të vitit 2015.
Në një lidhje direkte në Frontal të T7, dy nga pjesëtarët e këtij grupi thanë se nuk ka përfunduar synimi i tyre për bashkimin kombëtar. Në përvjetorin e 7-të të asaj që ata e quajnë “beteja e Kumanovës”, njëri nga të dënuarit tha se nuk është penduar.
“Asnjëherë në jetë nuk i bimë pishman dhe ideali ynë është dhe do të jetë gjithmonë bashkimi i tokave shqiptare. Me ditë se asnjëherë nuk do të dalë nga burgu, unë do ta mbrojë UÇK-në edhe nga burgu”, tha ai.
Po ashtu dhe ish-ushtari i UÇK-së, Enver Hoxha-Klajn, i dënuar me 40 vjet burgim, tha se ndjehet i përdorur. Ai u shpreh është shumë i zhgënjyer nga qeveritë për shkak se ka pasur një mosinteresim total për ta.
Veten dhe të burgosurit tjerë të Grupit Kumanova, ai i ka quajtur “pengje politike”, ndërsa tha se ishte kontaktuar për diçka tjetër para se të kthehej nga Gjermania në Kosovë atë maj të vitit 2015.
“Unë jam kontaktu për diçka krejt tjetër. Pse gjendemi prapa grilave edhe për mua është një pikëpyetje shumë e madhe. Këtu kemi të bëjmë me manipulim të ndjenjave patriotike”, tha Hoxha-Klajn. Ai tha se priste më shumë të merrte rrugën për veri të Kosovës.
“Para 7 viteve e kam pritur që rruga më tepër do të më shpiente për pjesën veriore të Kosovës. Në atë pjesën ku strukturat paralele serbe e kanë sfiduar shtetin e Kosovës qysh nga përfundimi i luftës së Kosovës”, tha ai.
Kujtojmë që për veprën terrorizëm ishin akuzuar gjithsej 37 persona, prej të cilëve 7 me burg të përjetshëm.
Discussion about this post