Dy nga 4 personat që sulmuan dhe dhunuan policin e policisë kufitare në Gjirokastër janë arrestuar ,ndërsa 2 të tjerët janë vënë në kërkim nga forcat e policisë.
Ngjarja u shënua paraditen e 9 qershorit 2022 në vendin e quajtur “Ura e Lumit”.
Efektivi i policisë kufitare ishte jashtë shërbimit, ndërsa dhunuesit i zunë pritë dhe e kanë goditur atë me levë në kokë, dhe në pjesë të tjera të trupit. Ai u dërgua menjëherë në spital pasi u pa nga kalimtarë.. Sipas policisë, autorët janë nga Saranda.
“Në vijim të veprimeve hetimore janë vënë në pranga 2 prej autorëve të dyshuar, shtetasit G. Zh., 35 vjeç dhe G. R., 22 vjeç, banues në Sarandë, si dhe janë shpallur në kërkim 2 të tjerët, shtetasit K. Zh., 23 vjeç dhe S. S., 30 vjeç, banues në Sarandë. Në cilësinë e provës materiale u sekuestrua automjeti që dyshohet se është përdorur nga autorët e ngjarjes. Materialet i kaluan Prokurorisë pranë Gjykatës së Shkallës së Parë Gjirokastër, për veprën penale ‘Plagosje e rëndë me dashje’, e kryer në bashkëpunim”, njofton policia.
Policia nuk jep detaje mbi shkakun e kësaj dhune. Paraprakisht, dyshimet janë se polici kishte konflikte të hershme me një nga autorët, G.ZH. që lidheshin me pronat në fshatin Progonat të Tepelenës.
Discussion about this post