Dy punonjës të policisë, vëllezër me njëri-tjetrin, janë arrestuar nga Agjencia e Mbikqyrjes Policore në Kukës, pasi dyshohen se janë përfshirë në një konflikt fizik me një tjetër shtetas.
Sipas AMP, ngjarja ka ndodhur në qytetin e Burrelit, ku dy vëllezërit, punonjës policie, ishin përfshirë në një konflikt me një shtetas të cilin dyshohet se e kanë dhunuar.
Njoftimi AMP
Dibër -Agjencia e Mbikëqyrjes Policore (Rajoni Kukës – Dibër) ka ndaluar me iniciativë punonjësin e policisë Avni Uka, me detyrë Patrullë e Përgjithshme pranë Komisariatit të Policisë Dibër, i dyshuar për veprën penale “Shpërdorim i detyrës”, si dhe referoi materialet proceduriale në gjendje të lirë për punonjësin e policisë Sulltan Uka, me detyrë Patrullë e Përgjithshme pranë Komisariatit të policisë Mat, i dyshuar për veprat penale “Prishje e qetësisë publike” dhe “Vetëgjyqësia”.
Nga veprimet e para hetimore të kryera nga AMP, janë krijuar dyshimet e arsyeshme të bazuar në prova e fakte, se dy punonjësit e policisë (vëllezër), janë përfshirë në një konflikt për motive të dobëta me shtetasin A. K., në qytetin e Burrelit, ku kanë tentuar të vetësqarojnë situatën duke përfunduar në veprime të dhunshme dhe të rrezikshme për shendetin e shtetasit.
Discussion about this post