Amir Rrahmani, do të jetë pjesë e Napolit edhe për disa sezone të tjera, pasi është arritur marrëveshje mes tij dhe klubit.
Sipas mediave në Itali është raportuar se mbrojtësi tashmë ka arritur marrëveshje personale me Napolin për rinovimin e kontratës që i skadon në vitin 2024.
Me zgjatjen e kontratës, që pritet të bëhet zyrtare brenda këtij muaji, kapiteni i përfaqësuese së Kosovës do të jetë pjesë e Napolit deri në verën e vitit 2027.
Ai do të ketë pagë vjetore prej 2.5 milionë eurosh, pasi vlerësohet ndër lojtarët kryesorë të ekipit.
28-vjeçari është pjesë e Napolit prej vitit 2020. Rrahmani aktualisht është i lënduar, ndërsa deri më tani ka regjistruar 11 paraqitje me fanellën e Napolit në të gjitha garat.
Discussion about this post