Një 38-vjeçar u arrestua nga Policia pasi dyshohet se ka ushtruar dhunë ndaj babit të tij.
Policia njoftoi arrestimin e shtetasit A. D., banues në Ksamil, i cili gjatë shoqërimit në komisariat ka kundërshtuar edhe punonjësit e Policisë së Sarandës.
Gjithashtu në pranga është vënë edhe një 40-vjeçar me iniciale I. L., banues në Sarandë, pasi ditën e djeshme, dyshohet se për motive të dobëta, ka goditur me sende të forta automjetin që grumbullon mbeturinat e qytetit dhe drejtuesin e këtij automjeti.
Gjithashtu policia ka arrestuar një tjetër person, shtetasi L. S., banues në Tiranë, pasi dyshohet se ka vjedhur një shumë parash në dhomën e një hoteli në qytetin bregdetar.
Materialet procedurale i kaluan Prokurorisë, për veprime të mëtejshme.
Discussion about this post