Rrahu barbarisht 42-vjeçarin dhe e la në mes të rrugës në Tiranë, identifikohet autori (Emri)

Policia e Tiranës ka mundur të identifikojë autorin e plagosjes së 42 vjeçarit nga Bilishti, Rigels Kaso, i cili u gjet i gjakosur mëngjesin të hënë në rrugën “Sokrat Miho” në Tiranë.

Uniformat blu bëjnë me dije se autori i rrahjes brutale të 42-vjeçarit është shtetasi Bajram Gjeleshi, 34 vjeç, lindur në Peshkopi dhe banues në Tiranë.

Burime të siguruara pranë spitalit të Traumës thanë se gjendja shëndetësore e Kasos është përkeqësuar.

42-vjeçari ndodhet i intubuar me plagë të shumta në kokë dhe trup, në gjendje kritike për jetën.

Ende nuk dihet motivi për të cilin është kryer rrahja brutale e 42-vjeçarit, ndërkohë që policia po vijon punën për arrestimin e autorit.

Materialet i kaluan Prokurorisë për veprën penale “Plagosja e rëndë me dashje”, parashikuar nga neni 88 i Kodit Penal.

Njoftimi i policisë

“Në vijim të njoftimit paraprak të dhënë ditën e djeshme, më datë 15.07.2024, specialistët e Sektorit për Hetimin e Krimeve ndaj Personit kanë referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, dhe po punojnë për kapjen e shtetasit B. Gj., 34 vjeç, lindur në Peshkopi dhe banues në Tiranë.

Shtetasi B. Gj., ditën e djeshme, më datë 15.07.2024, në rrugën “Sokrat Miho”, dyshohet se për motive të dobëta, ka goditur me sende të forta shtetasin R. K., 42 vjeç, banues në Bilisht, i cili ndodhet në spital, nën kujdesin e mjekëve”, njofton policia.