Ka folur sot për mediat Etleva Korra, e cila dy ditë më parë është denoncuar për dhunë në familje nga kunati, bashkëshorti, vjehrri dhe vjehrra, pasi sipas t i ka rrahur të gjithë ata. Në një intervistë televizive Etleva ka thënë është dhunuar nga ajo ata dhe se nuk është ajo dhunuesja. Etleva thotë gjithashtu se nuk ndahet nga bashkëshorti sepse ka fëmijët e vegjël dhe s’do t’i ndajë nga babi i tyre.
Gjithsesi, ajo pranon se që kanë pasur një përplasje me ta por ka qenë diçka pa rëndësi. Etleva ka shpjeguar se janë zënë për arsye ekonomike, pasi vjehrri ka kaluar atë dhe fëmijët e saj në një shtëpi të pabanueshme, dhe ajo prandaj shkoi në shtëpinë e tij që të merrte bagëti, me të cilët mund të siguronte ushqim për fëmijët.
“Jemi zënë për arsye ekonomike. Na ka futur vjehrri në një shtëpi të pabanueshme. Kur bie shi futet brenda. Kam dy fëmijë, djalin 2 vjeç e gjysmë dhe vajzën një vjeç e gjysmë. Kam pasur disa gjëra të vogla kur isha me burrin në Himarë. Kur erdha këtu doja të merrja dhi dhe pula, të kisha qumësht dhe vezë për fëmijët, e më thanë jo nuk kemi ku ti lëmë. Doja t’i fusja aty te kasollja. Patëm një përplasje të vogël me njëri-tjetrin. Ata kanë përdorur pak dhunë me mua. Unë isha vetëm dhe fëmijët që më vinin te këmbët “o mami, mami”. Dua të kem fëmijët e mi mirë. I kam denoncuar në polici për dhunë. Tani jemi qetësuar”, tha 28-vjeçarja.
Të dy palët kanë denoncuar njëri-tjetrin në polici për dhunë pasi të dy palët pretendojnë se janë të dhunuar. Ajo është nënë e dy fëmijëve dhe e gjitha nisi kur vjehrri pas martese i strehoi në një kasolle dhe nuk u dha shtëpinë kur u martuan. Ata kanë pasur konflikte të vazhdueshme për shkak të shtëpisë dhe kushteve të vështira ekonomike. Por, konflikti para 2 ditësh degradoi në dhunë kur ajo bleu një dhi dhe pula dhe vjehrri nuk i lejoi të futeshin te stalla e tyre.
Discussion about this post