Vali Corleone është një ndër personazhet më të njohur të showbiz-it. Edhe pse nuk ka asnjë lidhje me artin, ai u bë i njohur disa vite më parë për shkak të mënyrës se si jeton. Jeta e tij luksoze dhe deklaratat e ndryshme që thoshte nëpër emisione bënë që Vali Corleone të kthehej në kryefjalën e mediave rozë.
Ai ka dalë sërish në skenë, pasi është arrestuar për dhunë në familje. Lajmin e ka konfirmuar zëdhënësi i policisë për rajonin e Gjilanit, Ismet Hashani.
Corleone është arrestuar dhe pas marrjes në pyetje, me vendim të prokurorit është dërguar në paraburgim për 48 orë.
Kujtojmë që familja e tij ka shumë biznese. Emri i tij i vërtetë është Valdrin Sylejmani. Disa kohë më parë ai përzuri prindërit nga shtëpia për shkak të gjendjes së tij jo të mirë mendore e më pas prindërit e shtruan në spital psikiatrik.
Discussion about this post