Reshjet e dendura të shiut që kanë përfshirë vendin tonë në dy ditët e fundit kanë sjellë probleme të shumta edhe në Lezhë. Mësohet se, ujërat kanë vërshuar në rrugët e qytetit duke krijuar vështirësi në lëvizjen e qytetarëve dhe automjeteve, kryesisht në bulevardin Gjergj Fishta.
Qytetarët tregojnë se një situatë e tillë krijohet gjithmonë në ditë me reshje shiu, edhe pavarësisht kërkesës së tyre, bashkia nuk ka ndërmarrë asnjë hap. Kanalizimet nëntokësore nuk përballojnë prurje të shumta, duke bërë që uji të dalë në sipërfaqe. Bllokime rrugës dhe përmbytje janë raportuar sot në shumë qytete të vendit, ndërsa situata përkeqësohet pasi shirat do të vazhdojnë edhe për dy ditët e ardhshme.
Discussion about this post