Në Sarandë, Vlorë dhe Durrës pushuesit kanë braktisur plazhin ditën e sotme për shkak të furtunës që ka kapluar vendin. Reshjet e rrëmbyeshme krijuan trafik në rrugët kryesore të qyteteve.
Vranësirat dhe rrebeshet sipas meteorologëve vijnë si pasojë e depërtimit të masave ajrore nga veriu i Europës.
Pas të nxehtit afrikan që përfshiu vendin në fillim të javës e premtja solli rënie të temperaturave deri në 32 – 33 grade celsius duke kthyer vlerat tipike të muajit.
Moti pritet te jetë i paqëndrueshëm pothuajse gjatë gjithë ditës.
Era do fryjë mesatare dhe e fortë me shpejtësi mbi 50 km/h nga drejtimi verior dhe veriperëndimor duke krijuar dallgëzim mbi 4 ballë në det.
Të shtunën dhe të dielën meteorologët parashikojnë kthim të kthjellimeve dhe ditë të përshtatshme për plazh
Discussion about this post