Një 36-vjeçar nga Shkodra ka zgjedhur të tregojë historinë e tij të infektimit he HIV/AIDS, ku siç ai tregon ka përfshirë një zinxhir personash duke bërë që infeksionin ta kalojë dhe tek 3 ish-të dashurat e tij me të cilat ka pasur raport intim.
Ai tha se virusin e kishte marrë pasi kishte kaluar natën me një punonjëse seksi në Tiranë para dy vitesh. Lajmin se ishte infektuar me HIV/AIDS ai e mësoi teksa kishte kryer një vizitë rutinë në spital.
“Dy vite më parë më lindën dyshimet, pasi kur erdha në Tiranë kam pasur marrëdhënie seksuale me një punonjëse seksi. Unë jam i sigurt që jam infektuar atë moment, pasi ajo vajzë shkonte me lekë dhe kishte shumë partner njëkohësisht. Unë nuk e kam parë më kurrë atë vajzë. Unë e zbulova shumë më vonë që isha infektuar, dhe besoj që kam infektuar edhe tre ish të dashurat e mia.”
Ai theksoi se aktualisht po merr trajtim prej dy vitesh, ndërsa këtë histori e dinë shumë pak persona, për shkak të frikës nga paragjykimet.
“ Tani jetoj me ilaçe prej dy vitesh. Këtë gjë nuk e kam ndarë as me miq dhe as me shokë. E din vetëm vëllai im, me të cilin jetoj në të njëjtën banesë. Jetojmë bashkë se jemi rritur jetim. Kam frikë t’u tregoj dhe jam i izoluar. Kam frikë për shkak të opinionit.”
Lidhur me problemin e infektimeve me HIV/AIDS nga të rinjtë shqiptarë ka folur dhe mjeku infeksionit, Arjan Harxhi. Ai deklaroi se në k 5-6 vitet e fundit shohim një ecuri konstante, pasi numërohen rreth 90-100 raste të reja. Ndër të tjera ai sqaroi se në Shqipëri rruga e transmetimit mbetet ajo përmes raportit seksual dhe kjo më shumë përmes rrugës biseksuale. Ndërsa lidhur me interesin e popullatës për tu testuar, Harxhi u shpreh se numri është shumë i vogël teksa sqaroi se duhet të rriten mundësitë që personat që ndjehen të rrezikuar të vetëtestohen.
Discussion about this post