Besart Krivanjeva mbrojtësi i skuadrës së Egnatia është shprehur mjaft entuziast për aventurën me skuadrën rrogozhinase ndërsa në një intervistë të dhënë së fundmi ka theksuar se frymëzohet nga Sergio Ramos.
“Periudha e deritanishme ka qenë shumë e mirë dhe do ta nderoj çdo herë fanellën e rrogozhinasve. Prej fillimjavës kemi nisur seancat anti-Teuta që do ta luajmë në fushën tonë. Mbetet një mundësi e mirë për të mos gabuar dhe të sigurojmë te tjera pikë të plota.
Kampionati është i gjatë e gabimet duhet t’i kemi të pakta. Është një sfidë personale për mua që po luaj në një kampionat tjetër ndryshe nga më parë. Më pëlqen Serxho Ramos si mbrojtës në tërësi e jam komod sa herë zbres të luaj në çdo kohë. Ai ka aftësitë e veta dhe unë të miat, por na bashkon shumë mbrojtja”, u shpreh Krivanjeva.
