Ylli Limani është një ndër këngëtaret më të pëlqyer dhe më të dashur për publikun. I ftuar në programin më të ri në Top Channel ”Live Night” me Ledion Liçon, përveç performancës shumë të bukur që na dhuroi, ai hapi zemrën duke rrëfyer edhe se çfarë nuk ka pëlqyer tek vetja e tij. Ai ka shprehur se si çdo person normal ka pasiguri dhe momente dobësie, por me muzikën mundohet t’i kalojë.
”Kam pasiguri. Kam pasiguri si dukem, kam pasur pasiguri duke u rritur, ‘Body insecurities’, jo t’i kem krahët e gjerë, të kem ‘six pack’, të shkoj ne palestër. Kur atë pasiguri e shndërron në pasion për të qenë më i shëndetshëm, je më i shëndetshëm dhe mendërisht”, tha ai.
Nga ana tjetër këngëtari nuk është bërë asnjëherë pjesë e skandaleve apo titujve që nuk kanë të bëjnë me muzikën. ”Nuk jam prej atyre figurave publike që them, jo po portalet ma nxin jetën, jo po nuk më lënë rehat. Ti ke zgjedhur këtë jetë ku ti përflitesh. Shumica e personazheve publik edhe në Shqipëri edhe në botë nuk është se nuk kanë qejf t’i përmendin portalet, e kam vënë re te disa një lloj kënaqësie. Thonë që nuk u bëhet qejfi, por është një lloj varësie ndaj të qenurit tërë kohën në portale se përndryshe nuk na kishin dhënë material. Mua kurrë nuk më ka pëlqyer jeta e shtrenjtë, drogërat, më pëlqejnë festat më private.”, u shpreh ai.
Discussion about this post