Rrëfehet “Zogu i Tiranës”, nga planet për familje te hyrja në “BBV”

Hermes Nikaj i njohur ndryshe si “Zogu i Tiranës”, prej kohësh ka qëndruar i distancuar nga intervistat apo daljet publike.

Së fundmi ai ka dhënë një intervistë ku rrëfen se është në një lidhje dashurie dhe shumë i lumtur.

“Jam i dashuruar, i jam rikthyer një dashurie të vjetër me ndjenja të forta dhe sublime. Jam shumë i lumtur krah partneres sime.”

I pyetur nëse do të dëshironte të bëhej prind dhe të krijojë familje ai është përgjigjur që dëshiron të ketë një vajzë.

“Normal që po, e dua një gocë ishalla do Zoti! Jam tradicional dhe e dua familjen”, vijoi ai.

Gjithashtu u shpreh se nuk do t’i thoshte jo një ftese për tu bërë pjesë e Big Brother Vip.

“Me humbjen e babit më ka rënë dhe dëshira për të qenë në ekrane. Po të më propozonin për “Big Brother VIP”, përgjigja ime është “PO”.