Aktorja Eriselda Shllaku së fundmi ka qenë në emisionin ‘Glamour Zone’, ku ka bërë disa deklarata bombë.
Fillimisht ajo zbuloi se çfarë ndodhi me gruan e Cekes pas skenave të seksit mes tyre. “Mua Cekja më ka marr në shtëpinë e tij, sa herë që kam qenë në Berat. jam takuar me gruan e tij, dhe e dua shumë. Më ka mirëpritur dhe është një zonjë e mirë. Nuk ka qenë aspak xheloze. Kam marrëdhënie shumë të mira edhe me gruan e Cekes, edhe me fëmijët e tij”, rrëfeu Shllaku.
Në vazhdim ajo u fokusua dhe në ndërprerjen e bashkëpunimit me aktorin e humorit Agron Llakaj. Eriselda ka qenë pjesë e spektaklit ‘Al Pazar’ për një periudhë kohore, derisa u shpreh se Agroni e pushoi nga puna sepse nuk mund të përballonte pagesën e saj.
Por gjatë intervistës së saj përballë moderatores Ester Bylyku, Eriselda shprehu dhe pakënaqësi të tjera ndaj aktorit të humorit Agron Llakaj.
Ester Bylyku: Cili nga aktorët të ka dhënë një përshtypje ndryshe në momentin që e ke parë në ekran, sikur ishte një person i thjesht, me këmbë në tokë, pozitiv. Ndërsa në momentin që keni bashkëpunuar e ke parë ndryshe, pra ndoshta ka qenë mendjemadh?
Eriselda Shllaku: Dua të kujtoj bashkëpunimin me Agron Llakaj. Unë e kam vlerësuar si profesionist, dhe nga ekrani më është dukur natyrë e thjeshtë, popullor. Por në bashkëpunimin që kam patur me të, ai ka një ndjesi superioriteti ndaj të tjerëve. Unë mendoj që artisti duhet të jetë i thjesht, edhe kur është në pozicionin e një regjizori apo të drejtimit të një stafi. Më atë kam ndjerë një lloj mendjemadhësie. Komunikimi im me të ka qenë shumë korrekt, shumë brenda rregullave. Ndërkohë që në bashkëpunim artistik duhet të jemi më të hapur, më të ngrohtë me njëri-tjetrin, më miqësor.
Discussion about this post