Sharon Stone ka folur për hemorragjinë e trurit që pësoi njëzet e dy vite më parë, që gati i kushtoi jetën.
Në një intervistë për “People”, aktorja ka folur për vështirësitë me të cilat përballet edhe sot e kësaj dite.
“Për një kohë të gjatë doja të pretendoja se isha mirë. Më duhen tetë orë gjumë të pandërprerë që të më funksionojnë mjekimet e trurit, që të mos kem kriza”, tha Sharon.
“Pra, unë jam një person me aftësi të kufizuara dhe ndoshta kjo është arsyeja pse nuk më punësojnë më. Unë jam marrë me këto gjëra për 22 vitet e fundit dhe tani, mund të flas hapur për të”, shtoi ajo.
Pas incidentit që përjetoi në vitin 2001 dhe mjekët i dhanë një shans 1% për të mbijetuar, Sharon Stone pa se jeta e saj u shpërbë. Martesa e saj u shpërbë, ndërsa Hollivudi i ktheu shpinën asaj.
Duke folur për periudhën e rikuperimit, Stone përmend se në fillim ajo belbëzonte dhe as nuk shihte si duhet. Në fakt, ajo vuri në dukje se për një kohë të gjatë vuante nga humbja e kujtesës.
“Kam humbur gjithçka. Humba të gjitha paratë e mia, kujdestarinë e fëmijës tim, karrierën time, humba të gjitha ato gjëra që ndjeva se ishin identiteti im i vërtetë dhe jeta ime. Nuk e kam marrë kurrë pjesën më të madhe të saj, por kam arritur në një pikë ku jam mirë me të. Pra, e kuptoj se jam vërtet ‘mjaft’,” pranon ajo.
Discussion about this post