Rrëfimi prekës i Dritan Goxhaj: S’më rreh zemra në gjoks

Ish-luftëtari i UÇK Dritan Goxhaj ka rrëfyer në emisionin Now në Euronews Albania lidhjen e fortë që ka me Kosovën, për lirinë e të cilës luftoi bashkë me të atin e vet, Dilaver Goxhaj.

Ai tregoi se në atë kohë e kishin ndjerë që të kontribuonin të dy në luftë, pa i bashkërenduar në asnjë moment veprimet me njëri-tjetrin.

“Profesioni i ushtarakut është i lidhur me luftën, në atë kohë menduam që secili nga ne të jepte kontributin e vet pa e bashkërenduar veprimin me njëri-tjetrin.

Kur niste bombardimi ditët e para i bëja pyetje vetes; po unë ç’dua këtu, nuk është çështje trimërie, po çështje kujdesi, ajo që përjeton.

Në fillim nuk e di ku të rreh zemra, nuk rreh aty ku ne ka bërë gjoksi, por lëviz gjatë gjithë kohës dhe derisa të mësohesh mundohesh ta mbash që të mos ikë derisa të mësohesh. Po e kalon me ndihmën e bashkëluftëtarëve dhe gjen vullnetin për të qëndruar. Njeriu mësohet edhe me gjërat më të vështira”, u shpreh Goxhaj.

Dritan Goxhaj u arrestua më 31 korrik 2023 me urdhër arrest të lëshuar nga Gjykata Speciale e Kosovës me qëllim ekstradimin në Hagë dhe u lirua 1 javë më parë.

Ish-luftëtari i UÇK-së u përball me akuzën se ka nxjerrë emrat e dëshmitarëve në disa çështje të hapura më parë nga Prokuroria Speciale e Kosovës.

Gjithashtu, ai u akuzua si i dyshuar për veprat penale pengim i punës së zyrtarëve dhe frikësim i dëshmitarëve sipas Kodit Penal të Republikës së Kosovës.

“Unë kam bërë një shkrim më datë 1 janar të vitit 2023, në të cilin akuzoj që Gjykata Speciale e Kosovës me seli në Hagë ka dënuar në bazë të dëshmive të rreme një bashkëluftëtar të Ushtrisë Çlirimtare të Kosovës, komandantin e njësive speciale të zonës operative të Llapit në Kosovë,” – tregoi Goxhaj.

Ai foli dhe për kontributin që dha në luftë bashkë me të atin.

“Profesioni i ushtarakut është i lidhur me luftën, në atë kohë menduam që secili nga ne të jepte kontributin e vet pa e bashkërenduar veprimin me njëri-tjetrin. Kur niste bombardimi ditët e para i bëja pyetje vetes; po unë ç’dua këtu, nuk është çështje trimërie, po çështje kujdesi, ajo që përjeton. Në fillim nuk e di ku të rreh zemra, dhe derisa të mësohesh, po e kalon me ndihmën e bashkëluftëtarëve dhe gjen vullnetin për të qëndruar. Njeriu mësohet edhe me gjërat më të vështira”, u shpreh Goxhaj.